semsem عضو بيحبى
عدد الرسائل : 37 العمر : 29 أسرة شبابنا : تاريخ التسجيل : 30/05/2008
| موضوع: حب الخطيب و الخطيبه(قصه حب هايله) الجمعة أغسطس 08, 2008 5:33 pm | |
| خطيب و خطيبته بيحبو بعض اوى اوى اوى
الخطيب : بحبك ( يا بااااااي)
الخطيبة : وانا كمان ( داهيه تاخدك )
الخطيب : من اخر مره وانا بافكر فيكي ( يارب تغوري من وشي )
الخطيبة : يا حبيبي وانا كمان ما بطلتش تفكير فيك ( الهي اصبح الصبح الاقيك متنيل بعيد عني )
الخطيب : امال فين حماتي مش شايفها يعني ( الحربايه الكبيره )
الخطيبة : موجوده اندهها لك ( علشان تسم بدنك )
الخطيب : اه طبعا يا حبيبتي وانا اقدر استغني ( يارب تتكعبل في السجاده وهي جايه )
الخطيبة : ماما تعالي كلمي ( علي الله تقولك حاجه ترفع لك الضغط )
الخطيب : اهلا يا حماتي ازيك ( الهي ما تكوني بخير )
الحماة : اهلا يا خطيب بنتي ( بلا نيله )
الخطيب : عندي ليكو خبر حلو انا لقيت شقه ( الهي ما توعوا انتي وبنتك تشوفوها )
الحماة : الف مبروك يا حبيبي ( ياما جاب الغراب لامه )
الخطيب : حنروح نشوفها بكره ايه رايك يا حبيبتي ( علي الله تتكعوري عالسلم وانتي طالعه )
الخطيبة : وماله طبعا لازم نشوفها ( اكيد قد الحق وفي منطقه معفنه )
الخطيب : علي فكره يا حماتي ( جتك حمه )
الحماة : ايه يا خطيب بنتي ( خطيب الشوم والندامه )
الخطيب : انا كنت عاوز اقابل عمي علشان كتب الكتاب ( عمي قال عمي قال ده انتي اللي عمي )
الحماة : وماله يابني بس مش لسه بدري ( جتك نيله مستعجل علي ايه )
الخطيب : ما هو خلاص يا حماتي احنا قربنا ( يا ريت ترفض علشان افركش ام الجوازه دي )
الحماة : طيب يابني لما يجي عمك حاقوله ( جتك نيله علشان نستريح من زيارتك الغلسه )
الخطيب : طيب يا حماتي انا حامشي دلوقتي ( افففففف انا اتخنقت من الوليه دي )
الحماة : ماهو لسه بدري ( في ستين داهيه )
الخطيب : باي يا حبيبتي ( حبك برص )
الخطيبة : مع السلامه يا حبيبي ( البلد اللي تودي )
الخطيب : كلميني في التليفون ( يا رب يقطعوا الحراره )
الخطيبة : اكيد يا حبيبي ( غور بقي ) | |
|
aya مخبر
عدد الرسائل : 610 العمر : 33 ما هو حزبك الحكومة .المعارضة . المستقلين : الحكومه أسرة شبابنا : تاريخ التسجيل : 16/11/2007
| موضوع: رد: حب الخطيب و الخطيبه(قصه حب هايله) الإثنين أغسطس 11, 2008 7:38 pm | |
| ايه ده يا جميل هو ده حب الخطيب لخطيبته الله يرحمك يا عبد الحليم و يرحم ايامك مع شاديه و لبني و الوساده الخاليه على العموم نايس توبيك يا سمسم | |
|
amier اخيرا عضو
عدد الرسائل : 71 ما هو حزبك الحكومة .المعارضة . المستقلين : 0185636082 أسرة شبابنا : تاريخ التسجيل : 18/05/2008
| موضوع: رد: حب الخطيب و الخطيبه(قصه حب هايله) الثلاثاء أغسطس 12, 2008 12:19 am | |
| يا بخت من وفق راسين فى الحلال !!!!!!!!!!! | |
|