اختارلك موته حلوة

عاوز تموت شهيد؟
ياتعدي شارع فيصل ............... ياتسوق على الدائري بالليل

عاوز تموت م الجوع؟

ياتتجوز بنت حلوة غاويه نيو لوك ...............ياتسافر تعمل شوبينج في لبنان

عاوز تموت م الحسره؟

ياتتفرج على جلسات مجلس الشعب ....يا تتناقش مع ابنك في القيم والأخلاق

عاوز تموت م الغيظ؟

ياتتفرج على افلام اليومين دول ......... ياتتفرج علي قنوات الفيديو كليب

عاوز تموت م الزهق؟

ياتدخل على النت من التليفون .... ياتستنى دورك في عيادة الدكتور الكبير من غير واسطة

عاوز تموت من الهبل؟

يا تسمع الأغاني الشبابية .......... ياتسمع برنامج شبابيك في دريم

عاوز تموت مخنوق؟

ياتروح تجدد رخصة العربية ......... يات تتفرج على الفضائية المصرية

عاوز تموت مفروووس؟

ياتتفرج على اعلانات التليفزيون ............ يا تتفرج على ستار اكاديمي

عاوز تموت مرعوووووب؟

ياتسأل على سعر الشالية في مارينا ....... ياتروح تحلل المياة الى بنشربها

عاوز تموت مشهور؟

ياتغني وصوتك وحش ............ ياتعمل نفسك سفاح المعادي

عاوز تموت مليونير؟

يا تدي دروس لثانوية عامة ............. ياتنتج فيلم لهيفاء وهبي


عاوز تموت ورا الشمس؟

ياترشح نفسك في انتخابات الرئاسة ............ ياتشتم في الحزب الوطني

عاوز تموت منكد؟

ياتتفرج على قناة الجزيرة ....... ياتحاول تفهم ايه الى بيحصل


يلا اختارلك موته

هى خلصت ولا لسه
هههههههههههههههههههه
جميلة يا سمر

انا خلاص مش هختار لأنى فعلا ميت من الزهق وانا بقرأ عن الناس اللى ماتت دى كلها
ملحوظه :
انا بستعين بمقوله السيد الاستاذ الدكتور عادل امام
< وعندما عرض هذا المسلسل مات المشاهدون جميعا >

هايله يا سمر والي المزيد من التقدم

شكرا علي المرور يا فيجو و يا فارس

عايز تموت من الفرحه............ادعي الزمالك تاخد الكاس
ده للزملكاويه بس
بس شكلكوا هتعمروا

لا يا عم انا افضل اموت موته ربنا

بس اليومين دول في موته جديده
واثبتت فاعليه
عايز تموت من الملل ادخل علي اللينك ده http://www.shababna.yoo7.com/

ههههههههههههههههههههههههه

بس انا بحب بتفرج على ستار اكاديمى ومامتش لسه