جرح الخيانة
--------------------------------------------------------------------------------
يعني من قل المصايب صاب هذا الصدر ضيق
ولا يعــني من حـلاة الحـــظ وعـلـو ألمكانه
ذي حياتي من مضيق...في مضيق...في مضيق
ولو بحثت الصـبر فيني ما أجد للصـبـر خــانه
عادتي..لاضقت أدور حضن وعيـون الرفــيق
مشكله..لاصار ضيقي منه واحـــزاني عشــانه
يوم قال:اسمح لي بارجع وأنت كمل هالطريق
لازم تقدر.... وتـنـسي..... ننتهـي كل وشــــانه
قلت :صبرك ...يرحم الله والدينك .....مااطيق
ماني ناقص فوق جرح أقدارنا ....جرح الخيانة
حاجتي لك حاجـة الأيتام ..... وايدين الغــريق
طالبك طلبه ... تراني أعشقك...صُون الامانه
وراح ما كنــه سـمعنـي والتـفـت لفتـــه طــليق
وقال : أخيرا ما بغينا ......وللفراق أطلق عنانه
عندها أدركت فعــلا قيــمة الحــب العتــيق
وقلت : هذي آخرتها ....ما تجاوزت امتحانه
ضيق صـدر وجـرح قلب ودمع عين ونشف ريق
هذا كل اللي جنـيـت ومـا قدرت اجني حـنـــانه
استر لنفسي أعيش بضنك وأحزان وحريق
ولا أموت من القهر وتكون موتتها ......جبانة
طالما بيني وبين المـوت... مـا حاجـه تعيق
غير خوفي من غضب ربي وانا مُسـلم ديانة
لانويت امسح جميع أوراقي ألأولى...أفـيــق
وأنصدم في واقعي المزري وفي قسوة زمانه
مدري...كن الحزن فيني شاف له نعم الصديق
مدري..... يمكن كنت فعلا كفــو للحزن وتكانه
والفــرح....... كالثـوب لكـن يبـدو انه مـا يلـيق
دام لبسه لأي خاسر ما ورآه..... ألا ألاهــــانه
آآآآه ياحزني ترفـق ... صـاحبك جـرحه عميق
اشهد أنك يا رفيـق العمر....... طيـحت الميانه
مثلي مثل اللي يراهـن خلق ربي في عشــيق
والبلا راهـن..... ويدري خاسر العشق ورهانه
ويعني من قل الخسايرصاب ذاك الشاب ضيق
يكفي .... لاهالوقت وقته...ولا مكانه هو مكانه
مع تحيت :بـــــيـــــســــو