كيف تعرف انك تحب ؟؟؟ ((علامات الحب ))

إدمان النظر إلى المحبوب وإقبال العين عليه فإن العين باب القلب وهي المعبرة عن ظمائره الكاشفة لأسراره
إغضاؤه عن نظر محبوبة إليه ورميه بطرفه نحو الأرض وذلك من مهابته له
كثرة ذكر المحبوب واللاهج بذكره
الانقياد لأمر المحبوب وإيثاره على مراد المحب
قلة صبر المحب على المحبوب
الإقبال على حديث المحبوب وإلقاء السمع كله عليه
محبة دار المحبوب وبيته حتى محبة الموضع الذي حل به
الإسراع إليه في السير والاجتهاد في القرب والدنو منه
محبة أحباب المحبوب وجيرانه وما يتعلق به
قصر الطريق حينما يزوره وطولها إذا أنصرف عنه
انجلاء همومه وغمومه إذا زار محبوبه أو زاره وعودها إذا فارقه
البهت والروعة التي تحصل عند مواجهة الحبيب أو عند سماع ذكره لاسيما إذا رآه فجأة
غيرته لمحبوبه وعلى محبوبة
بذل المحب في رضى محبوبه ما يقدر عليه
سروره بما يسر به محبوبته وإن كرهته نفسه
حب الوحدة والإنس بالخلوة
استكانة المحب لمحبوبه وخضوعه له وذله
امتداد النفس وتردد الأنفاس وتصاعدها
هجرة كل سبب يقصيه من محبوبه ويبغضه المحبوب
الاتفاق الواقع بين المحب والمحبوب ولاسيما إذا كانت المحبة محبة مشاكله ومناسبه .

أشك ان العلامات دي بتظهر علي حد اليومين دول يا فيجو

بس موضوع هايل

الحاجات دى صح جدا ... و ليه مش بتظهر على حد دلوقتى يا سمر ؟!!

sasso

عاوز ارد بس مش هينفع انا متنشن وكئيب نايس توبيك يا هيما

بصي يا اسراء الفترة دي من النادر تلاقي اتنين بيحبوا بعض بجد وكل واحد فيهم كل اللي بيفكر فيه نصه التاني وعنده استعداد يعمل عشانه اي حاجه عشان يبقي معاه وعشان يشوفه ويسمعه
كلمه بحبك بقت رخيصه اوي الزمن ده
كلمه بحبك فقدت مصداقيتها
صعب تصدقي اي حد يقول بحبك
لانها بقت اسهل كلمه
وللاسف اسهل مشاعر بقت بتظهر اليومين دول مشاعر الحب لانها مش صادقه
زمان كان اللي بيظهر مشاعره لحد او بيقول كلمه بحبك بيبقي بيحب بجد وبيبقي حبيبه ده كل حياته وكل حركه وتصرف بتزود للي قدامه انه بيحب
مش واخده بالك انه الواحد او الواحده اليومين دول بقوا بيحبوا كتير اوي بالرغم انه الحب اللحقيقي مش بيتكرر اوي كده ومش هقولك انه بيجي مره واحده لا هو ممكن يجي اكتر من مره

لو ركزتي شويه هتلاقي انه اسهل حاجه تيجي وتروح هي الحب

(الحب عالم كبير يبدأ بنظره وينتهي بنظره)

بجد جامد اوى التعبير دة يا سمر
الحب عالم كبير يبدأ بنظره وينتهي بنظره

كلامك صح و الله ياسمر
بس ليه؟!! الحب دة المفروض انه اجمل احساس فى الدنيا
بس الحب اللى بجد مش بيروح بسرعه..لو راح بسرعه يبقى مش كان حب اصلا
بس يمكن يكون دة سببه الاختلاط الزايد بين البنات و الولاد و بالذات فى الجامعات و النوادى
انا ماما قالتلى حاجة حلوة اوى مش موجودة دلوقتى عن الراجل اللى ممكن اتجوزه يعنى..
(مش مهم تكونى انتى اول واحدة فى حيانو بس المهم اكون اخر واحدة فى حياتوو هوة يكون هوة اول و اخر واحد فى حياتك) عشان هوة دة الصح!! و دة للأسف مش موجود دلوقتى
و دلوقتى كل واحد بقى عنده ماضى حافل بالحب و الارتباطات ...
و زى مابيقولو الشىء اللى بيزيد عن حده بيقلب ضده
و الحب بقى فى لافلام و المسلسلات و الاغانى و و فى كلام كل الناس !

بصي يا اسراء المشكله اللي شبابنا فيها اليومين دول واللي هيا سبب الظاهرة دي انهم مفتقدين الحب في البيت وبيدور عليه بره وبيوهم نفسه والحد اللي متعلق بيه انه بيحبه بس العكس هو لقي فيه حاجه مش لاقيها في البيت .................................
مش لاقي الحب ....مش لاقي الحنان....مش لاقي الاهتمام والرعاية
وبيلاقيهم بره وبيفتكر ان ده حب ....... وبيفوق علي وهم كبير انه ده مكنش حب وانه كان لعب عيال
عشان الظاهرة دي تختفي لازم نبدأ من البيت القسوة اللي ملهاش لازمه دي تختفي ونقرب من اولادنا ونحسسهم بحبنا ونقرب منهم ونفهمهم ونحتويهم ونحتوي مشاكلهم
محتاجين نربي جيل سوي مش معقد معندوش مشاكل موجود في بيئة بتحب بعضها
استحالة بعدها يبص بره ويدور علي حاجه مش موجوده في البيت في والده ووالدته واخواته
حاجه كبيره قوي ( الحب).

تمام
بس عشان احنا اللى نطبق دة لسه بدرى عليه!

فعلا فقدان الحب فى البيت بقى كتير جدا بسده مش معناه انه مفيش حب وان كل اللى بنحسه وهم وتعويض احساس مفتقدينه لا فى حب هو اه قليل بس موجود

نايس توبك