كل واحد يدخل ويقول اغرب حاجة بيحبها ايه؟

السلام عليكم

ازيكم يا شباب


احنا بقى هنتكلم المرة دى عن الحاجات الغريبة اللى الواحد بيحبها و لما بيعملها بيحس بحلاوة جميلة

اصل الحب عموما بيديك شعور لذيذ - حتى لو مكنش رومانسى

فكر كده و شوف - هتلاقى فعلا الحاجات اللى انت بتحبها و خصوصا الغريب منها بتديك احساس جميل جدا

على العموم انا هبدأ و مش عايز حد يضحك

انا اغرب حاجات بحبها جدا و بتدينى احاسيس جميلة اوى

انى اكون ماشى فى الشارع ويكون الجو مغيم ورمادى كده وبيكون الجو هدووووووء قبل ما الدنيا بتمطر

ببقى سعيد اوى رغم ان بعض الناس بتحس ان الجو ده بيبقى كئيب

وبحب كمان اطلع السطح وابص على الناس من فوق والعمارات التانيه

ومش لازم السطح بتاعنا لا اى سطح ويا سلام لو عالى بقى ياااااااااااااااااه

وبحب اوى اى جهاز كهربائى او الكترونى ويا سلام لو حاجه باظط فيهم ونا قادر اصلحها يبقى ممتاز

وبحب العب الكوره مثلا فى المطر رغم ان الواحد هايتبهدل طينه بس بتبقى جميله قوى

وبحب اشرب بيبسى واكل لب مملح ونا بتفرج على التلفزيون

وبحب كمان اتفرج على الكارتون جدا ولا العيال الصغيره

ياترى انتو بقى بتحبو ايه غريب او بتحسو بلذه جميله لو عملتوها

بجد يا جماعه الموضوع ده هايبقى روعه لو الكل شارك فيه وعرفنا كلنا بنحب ازاى حجات غريبه عن الناس

بصراحه الموضوع ده فكرته منقوله بس الموضوع عجبنى جدا ولقيت ناس بتحب حجات غريبه جدا

لدرجه ان واحد كان بيحب الجير ويحب يمسكه ويشمه هههههههههههههه

يلا مستنى اشوف حجاتكم الغريبه ونبقى نتناقش فيها وفى الاخر نروح لدكتور نفسانى مع بعض ههههههههه

اسمحولى اثبت الموضوع ده من قبل اى رد علشان الموضوع ده بيكم هايكون جميل ان شاء الله وعلشان ميتوهش فى وسط المواضيع كمان
__________________

انا بموووت فى ريحه البنزين و بحب اتفرج على القمر و هو بدر و اسرح فيه و محدش يسألنى بسرح فى ايه!!
و بموت فى المكرونة اللى بالصلصه و السكر اللى محدش لغايه دلوقتى داقها و عجبتو غيرى!!!!

ههههههههههههههه
ان شاء الله داتدقوها يوم و بعيها مش هاتعرفونى تانى

انا بحب المكرونة الى بشمل جدا
وبحب الملوخية والارانب
وبحب بعي الكورة فى الشوارع
بحب اغانى ورقص سعد الضغير ومحدش يضحك
بحب الرقص اوووى والاغانى الى تخلى الواحد يعيط
بحب التفاولوالاحساس العالى من الناس
احب الحب والرومانسية بس مش تكون الرومانسسة زايدة عن حدها

انا بحب السفر اوي وبالذات والجو برد والسما مغيمه بس من غير مطر
عشان انا بالرغم من اني بعشق المطر بكره الطين جداااااااااااااااااا

وبحب منظر البحر وهو هايج جدا بالذات في الشتا
وبحب امشي علي الرمل في المصيف بالذات في مرسي مطروح

انا بحب كمان اتفرج على منظر الغروب او الشروق ادام البحر......روعه

دة جنان انك تفتح المروحه فى التلج ده
ههههههههههههههههههههههههه

انا بحب اقعد لوحدى فى العتمه (الظلمه يعنى) على السرير
و اشغل اغنيه هاديه و مش افكر فى اى حاجة خالص بس اقعد كدة


و بحب التنظيف جدااااااااا........غاويه بهدله

و بحب اشترى شوزس اوى و ببقى ساعات نازله عشان
اشترى هدوم بروح و مشتريه بردوه شوز!!!

يابتاع الشباشب هتلى شبشب بصباع

هههههههههههههههههه

يا جماعه مفيش حاجه انتم بتعملوها غريبه وانا بحب اتمشى لوحدى اوى ويا سلام لو فى مطر
وبحب اكل البطاطه بالملح

انا بقى بحب كل نوع من انواع الاكل مفيش حاجة مبحبهاش
ومبحبش الكورة يريت متستغربوش
وبعشق انى اجلس فى السطع بتاع البيت لما اروح مصر فى الاجازة وكنت كل يوم ابات فوق لوحدى
وبموت فى حاجة اسمها الاغانى الحزينة هية الوحيدة اللى بتحسستنى بلامل وان فى بكرة
وبحب سواقة العربية على الشارع واعاكس البنات انا واصحابىى
بس كدة

احترم نفسك ياولاد

انا مش بحب اتكلم كتير احيانا بكون قاعد مع ناس كتير بيتكلموا وبيهيزروا ويضحكوا وانا قاعد ساكت بسمعهم وبس
واحيانا بتطلب معايا هبل وبعمل حاجات غريبة
واحيانا بحب اخنق اللى ادامى
معقد نفسيا مش كده؟

انا بحب اسافر اسكندريه فى عز الشتاء واتمشى على البحر انا واصحابى ونفضل نهزر كتير
وممكن انا لوحدى بس يا سلام لو باكل ايس كريم بتبقى حاجه حلوة اووى