الكل يدخل ويسجل حالتة النفسية كل يووم

هاى ع احلى أعضاء

بصو بقى انا عاوز كل واحد وواحدة من الاعضاء يدخلو التوبك دة كل يوووووم

وتكتبو حالتكم النفسية

مثلا فرحان مبسوط مضايق مخنوووووق

كدة يعنى

ولو عاوز تقول مشكلتك ممكن نحلها سوى

وتستريح

يلا بقى عاوز اشوف الحالة النفسية

طيب...........
انا اسراء و دلوقتى حالا انا زهقانة و مخنوقة ..ليه؟
عشان احنا بنوضب الشة و الموضوع هايطول و يمكن يخش على الترم التانى و انا كدة مش هاعرف اخرج و لا احروح فى اى حتة!!
حلولى المشكلة دى بقى...

امشى وسيبى البيت وروحى اقعدى عند اى حد من قرايبك
وبيعيهم حد قالهم يوضبوا الشقه
هههههههههههههههه

تصدقى يا اسراء صعبتى عليا قوى بجد بس مش عارف اقولك ايه انا كمان مخنوق بس مش زيك يمكن مخنوق علشان اتظلمت ده اولا فى موقف ما وثانيا لانى فقدت صاحب واخ اسمه محمد ابو العلا ربنا يرحمه هو اصغر منى بسنه يمكن معرفه قليلة بس بجد كنت حبيته بس يلا الحمد لله ربنا يرحمه ويرحمنا كلنا هى دى حالتى

انا بقى مخنوق عشان قاعد فى البيت كل يوم ومش عارف اشرب سيجارتى المفضلة واول مابنزل الشارع بولع 3سجاير ورا بعض عشان اعوض الحرمان اللى كنت فيه طول اليوم وبجد مخنوق عشان هاقعد اسبوعين من غير ما اشوفكم

يارب تفضل فى البيت على طول علشان متشربشى سجاير

طيب يا عم هيما والله انا صحيت تانى يوم الاجازة وزى الفل ناوى ادخل المنتدى واغير حياتى وابدأ بقي ادخل المنتدى من غير كأبة اللى حضرتك بتكرها واغير التوقيع والله بجد المهم قبل ما اغسل وشي اصحابي اتصلوا بيا وقالولى اروح اقعد معاهم فى الهرم المهم قبل ما اعدى على جامعة القاهرة عشان كان اخر يوم لاصحابي وكلهم متجمعين هنا اتصلت بيهم ونزلت عند جامعة القاهرة اخد كام واحد منهم ونطلع ع الهرم قبلت واحدة صاحبتى هناك وضمن موضوع كبيرقالتلى جملة مش قادر انساها (يا ابنى البنات ممكن يحبوامية واحد فى وقت واحد لكن الولاد لا ) رضيت عليها رد طلع غصب عنى (يا بنتى انتوا اقذر مخلوقات ربنا)وبعدها قولت لها (متزعليش ) قالتلى(لا عادى ولا يهمك) وبعدها خدت اصحابي ورحنا الهرم قعدت ع المنتدى وحلفت ما هغير التوقيع ولا نظرتى ابدا ,,,,,,,,,,,حل بقي

اكيد دى مريضة نفسيا ياعمور او اخلاقها تسمحلها بكده لكن مستحيل البنت او الولد يحبوا اكتر من واحد فى نفس الوقت .
اللى بيحب على نفسه دا مش بيكون انسان طبيعى بيبقى عنده نقص فى الشخصية وبالنسبة لمشكلتك فانت لازم تكون اقوى من ان اى كلمة تأثر فيك وتخليك وعايز اقولك فكر كويس فى التوقيع بتاعك لانه قبل ما يمس اى شخص بيمس اقرب الناس ليك . بلاش نكرر كلام احنا مش عارفين معناه ايه ومش عارفين انه اصلا حرام "قذف المحصنات " اكيد طبعا انت فهمتنى وعيش حياتك فى الهرم ياحبى...

شكرا مع انكم محلتوش المشكلة وبعدين هى كانت بتتكلم عن الاغلبية واللى هى شيفاها مش عن نفسها هى معقدة من غير ما تجرب حتى وبعد اذنكم ياريت ميبقاش الحكم على اى شخص من خلال جملة واحدة قالها وشكرا

انا لما اتكلمت يا عمر مكنتش بتكلم على البنت اللى كلمتك
انا اتكلمت على انها بتقول ان ممكن البنت تحب ميه واحد فى نفس الوقت
لكن متكلمتش عن البنت نفسها لانى معرفهاش

حقيقى يا عمر انا حاسس انك بتسال السؤال وبتجاوب على نفسك دى صراحة شوفتها فى ردودك احب اقولك ان اللى يحب حد سواء بنت تحب ولد او ولد يحب بنت عمره ما بينساه حتى لو طال الزمن ومفيش حد بيقدر انه يداوى جرحه بواحده تانية او بنت بواحد تانى ودى حقيقة واللى بيعمل او تعمل كده ميكنشى حب بجد اما موقفك فانت لازم تغير من جواك لانك لسه صغير بجد لسه فى سنة اولى قدامك اولى وتانية وتالته ورابعة لسه مشوفتش يعنى حتى لو كنت اتقرصت فى تجربه مش لازم تعتبرها اخر المطاف وكمان الجملة بتاعتك دى جملة نابليون اصلا ومعناها فى زعل بجد لانها زى عمر ما قالك بتمس اقرب الناس للى بيقوله لازم يا عمر نفكر فى اللى بنقوله وبنكتبه لان كل واحد بيتحاسب على اللى يقوله مش نيته وياريت تاخد كلامى بحسن نية واعتبرها نصيحة من اخ اكبر ليك

تمام اوى الكلام دة يا عمر و يا هيما و يا نانسى

بالنسبه لعمر(سكران) انا شايفة انك مكبر الموضوع شويه و حابس نفسك فيه و مش عايز تخرج برة هو اه الدنيا مش بتوقف على تجربه او حب بس بيكون وجعها اكبر من اى جرح تانى لاكن مهما كان انت لسه العمر ادامك و كل ماتعيش كل ما تشوف و زى مافى الوحش فى الحلو و الحلو دايما هو الاكتر مش الوحش ابدا عشان الحلو دة هوة الصح و حاول تخرج من انطواء الشخصيه اللى عندك دة و تبقى منبسط اكتر مع الناس و بلاش تعمل قاعدة تعمم الوحش عشان مش دى الحقيقة و ربنا يرزقك ببنت الحلال اللى تحبك و تحبها و تنسيك اللى انتى مخنوق منه دة و بكرة تقول اسراء قالت و ابقى ادعيلى.

و يا عمر سكران البنت اللى قالت ان البنت ممكن (تحب) ميه فى وقت واحد اصلا التعبير غلط ماينفعش.... صاحب بالين بس بيبقى كداب امال لو ميه دى حاجة.
الانسان عندو قلب واحد بس بيحب انسان وواحد بس غير كدة يبقى مش حب يبقى مصحباه كدة ماسيه معاه يعنى تسليه او كلام فارغ صدقنى يا عمر سيبك من اللى انت فيه و عيش الحياة حلو و الحب احلى مافيها

و انت يا هيما انا حاسه من كلامك انك كنت فى تجربه و فشلت و باين انها مأثرة عليك اوى. بس سيبك انا ممكن اكون على اد مابحب الحب كرهت انى حبيت اصلا فى يوم من الايام . الحب زى ماقلت قبل كدة ممكن يكون سبب السعادة او التعاسه و الحب دلوقتى سبب تعاستى بس هنعمل ايه الذنب الوحيد اللى عملته انى مش قادرة انسى الحب دة و مش عايزة و عكس دة هوة اللى المفروض اعمله .. المهم يا هيما نفض للزعل عشان انا خلاص سيطر عليا و ممكن يخنقنى لحد ماموت و مش تخلى الزعل يأثر عليك و خلي نفسك عاليا و هاى على رأى الفنانة القديرة نانسى .

و انت يا هيما انا حاسه من كلامك انك كنت فى تجربه و فشلت و باين انها مأثرة عليك اوى. بس سيبك انا ممكن اكون على اد مابحب الحب كرهت انى حبيت اصلا فى يوم من الايام . الحب زى ماقلت قبل كدة ممكن يكون سبب السعادة او التعاسه و الحب دلوقتى سبب تعاستى بس هنعمل ايه الذنب الوحيد اللى عملته انى مش قادرة انسى الحب دة و مش عايزة و عكس دة هوة اللى المفروض اعمله .. المهم يا هيما نفض للزعل عشان انا خلاص سيطر عليا و ممكن يخنقنى لحد ماموت و مش تخلى الزعل يأثر عليك و خلي نفسك عاليا و هاى على رأى الفنانة القديرة نانسى .

ماشى يا ست نانسى كلامك حلو والله بس كلمة حلوة انتى قولتيها لما قولتى انا مش قادرة انسى الحب دة و مش عايزة انساه هى دى النقطة يا اسراء بجد يمكن انا اه كنت فى تجربه بس مين قال ان تجربتى فشلت على العكس انا الحمد لله تجربتى مفشلتشى ومش هسمح لاى حد انه يفشكلهالى بجد والحمد لله

جميل جدا الكلام اللى انتوا كلكم قولتوه دا وفعلا يا عمر حاول انك ماتنساقش ورا اى كلام مش معنى انك عشت تجربة فاشلة وان فى واحدة صاحبتك قالتلك كلام مالوش اى لزمة تبقى هى دى نهاية الكون زى ما فى الوحش فى الكويس ولسه ياما هاتشوف انت مستعجل على ايه ؟

اكيد اكيد

اولا يا عم هيما انتوا كلكم اخواتى ولو مش عارف كدة يبقي انت لسة معرفتنيش
وبالنسبة لكلامك يا اسراء انتى يمكن عشان متعملتيش معايا معرفتيش انا منبسط مع الناس كلها ازاى مش معنى ان مش داخل دماغى موضوع الحب دة ابقي انسان منطوى لكن دة من ضمن الحاجات اللى محيرة ااقرب الناس ليا فيا انى عارف كل الناس الكويس والوحش بمعنى اصح عارف الشيوخ وتجار المخدرات شوفى بقي منبسط لدرجة اية
وبالنسبة لجوست هاوس لو حصل وعرفنا بعض هتعرف انى مش بنساق ورا اى حد مهما كان اللى معايا يا اما اكون شخصية قيادية يا اما بردوا ليا شخصيتي المستقلة وشكرا ليكوا كلكم وسجلوا حالتكم كلكم متحسسونيش انى مريض نفسي هههههههههههههههه
وشكرااااااااااااا

اولا انا معترض على نقطة مهمة جدا او يمكن انا اللى شايفها كده وهى اننا مش بنتناقش غير فى مواضيع الحب وبس دى هى الحاجة الوحيدة اللى بتلفت انتباهنا وكأن كلنا بقينا حازم وياسمين فى السلم والثعبان ماعلينا
المهم ياريت بجد نلاقى مواضيع مهمة تانية نتناقش فيها وتلفت انتباهنا برده زى غيرها وياريت بلاش ننسى المنتدى احنا عملناه ليه والهدف اصلا منه ايه المفروض الناس تبدا تفكر فى النشاط اللى هانعمله الترم التانى وتجيب افكار وتطرحها للمناقشة والتصويت عليها ولا ايه؟
ركن انجازات الاسرة لحد دلوقتى فيه موضوعين بس ودا المفروض يكون اهم الاقسام اللى فى منتدانا
مش معنى كده اننا مانتكلمش فى الحب بس لازم ندى كل حاجة حقها الموضوع اللى احنا بنكتب فيه دلوقتى بيتكلم عن حالة كل واحد فينا يوميا يعنى هو حاسس بايه دلوقتى بصفة عامة وسبحان الله فجاة بقى موضوع للرد على عمر سكران اللى مش بيحب الجنس الاخر وبيكرهه زى العمى او بمعنى اصح بيكره الحب يعنى برده لفينا لفينا ووصلنا لنفس النقطة بتاعتنا
اسف جدا انى طولت عليكم وياريت ماحدش يزعل منى بس بجد ياريت نغير شوية وعلى فكرة فى مواضيع كتير مفيدة والله ياريت نتكلم فيها وياريت نفتكر المنتدى اصلا اتعمل ليه...؟!!

كل كلامك حكم يا عمر بية اصلى سجلوا حالتكم النفسية برضوا دة ميمنعش وديما عمر يفاجئنا بجمل جامدة جدا وعم ى ما هنسي جملة نتلاشي الاخطاء الشخصية اللى قالها وقالها فى وقت محتاج الجملة دى فعلا وباذن الله هعمل موضوع اسمة خطة اسرة شبابنا فى المجلة وبأذن الله كل واحد هيضيف حاجة فى الموضوع دة بعدها نلاقيها فى قسم انجازات الاسرة وكلة يتحقق ونكمل بردوا بقي موضوع المناقشة فى الحالات النفسية وشكرا بس التعبير خان عمر لما قال بيكره الجنس الاخر هو يمكن فى تحامل عليهم شوية فى الموضوع بتاع الحب والكلام دة لكن انا ليا زميلات كتير وبحبهم واحترمهم جدا واشوفكم فى موضوع خطة شبابنا

وشكرا

اكيد يا عمر انا كان كل قصدى من الركن ده ان الواحد يكتب هو عمل ايه النهاردة شاف مين ايه الى حصله غريب عن الطبيعى كده وده باين من اسم القسم يوميات شبابنا مش عارف حقيقة كل الكلام بقى على القصص الغرامية حقيقى انا زهقت ودى حالتى النهاردة

انا حالتى انهارده انى مخنوقه لانى باخد دورة icdl مع مجموعه كلهم من هندسه شبرا وبيحسسونى انهم مش بيفهمو كل حاجة يسالو اساله عبيطه وفاكرين كده انهم اذكياء والا التناكه اللى بيتكلمو بيها بيتنكو على البشمهندس اللى بيشرح لنا وبيحسسوه انه مش بيفهم رغم انه اللى بيشرح لنا بجد تعبت منهم بيضيعو الوقت فى تعليقات سخيفه وفى الاخر يقولو ان البشمهندس اللى مش عارف يشرح
وكمان فى موضوع تانى عايزة رايكم فيه
ايه رايك فى مرات الاب؟؟
هل فى مرات اب كويسه؟؟ عايزة اراكم لانى بجد محتارة
مش عارفه العيب فى مين فى العيال نفسهم والا مرات الاب

اولا سيبك من الناس اللى بيتنكوا دول لان اللى بيعمل كدة بيبقي عندة عقدة نفص بيحاول يعوضها بطرق زى دى اما بالنسبة لمرات الاب فاذا كانت متدينة اكيد هتبقي كويسة زى موضوع الحماوات الوحشين غطو على الكويسين وكدة بقي قاعدة عامة لكن دة غلط فى حموات كتير كويسة وفى مراتات اب كتير جدا جدا كويسين والخلافات اللى بتحصل دة بتحصل عادى بين الم واولادها وبس.

اولا سيبك من الناس اللى بيتنكوا دول لان اللى بيعمل كدة بيبقي عندة عقدة نقص بيحاول يعوضها بطرق زى دى اما بالنسبة لمرات الاب فاذا كانت متدينة اكيد هتبقي كويسة زى موضوع الحماوات الوحشين غطو على الكويسين وكدة بقي قاعدة عامة لكن دة غلط فى حموات كتير كويسة وفى مراتات اب كتير جدا جدا كويسين والخلافات اللى بتحصل دة بتحصل عادى بين الام واولادها واهم حاجة تكون بتتقي الله فيهم بالعكس دة احيانا لو مفيش خلافات بتبقي وحشة وهما مش فارقين معاها انما الخلافات غلبا بتبقي من الخوف عليهم او النصيحة ومع ذلك فى مرات اب وحشة مش ديما كويسين ومش ديما حلوين من خلال علاقتها مع ربنا هتقدرى تحكمى مين الصح ومين الغلط

كلامك مش غلط
بس فى الطبيعى ان الابناء ليهم تصرفات ماحدش بيستحملها الا الام واى واحدة تانيه مش هاتستحمل مهما كانت عندها قوة احتمال
الام مهما ابناءها يفعلو لا تكرههم ولا تضايق منهم لكن مرات الاب بمجرد تصرف واحد مش هاتكون طايقاهم ولا هاتحبهم ودى المشكله وبرده الابناء هايستحملو امهم مهما فعلت معهم ومش هايستحملو اى حد تانى فبتالى هايكون فى عداوة فى البييت مش مجرد مشاكل عاديه
وشكرا ياسكران على الرد

رايي ان موضوع مرات الاب مش كلهم وحشين ومش كلهم حلوين زي ما سكران قال بس هي لو بتحب الاب اكيد هتعامل اولاده حلو او تحبهم ولما تحبهم هتستحملهم مهما كانت الظروف لانها بعد ما تحبهم هتحس انها ام ليهم
وليه ممكن الاولاد يحبوها او على الاقل يحاولوا يحبوها فمن الطبيعي انها هتقابل الحب بحب وليس بكره.وممكن هما يحسوا انها ممكن تبقي ام بديله ليهم..................مفيش شخص اتولد بيكره اي حد تاني لازم تكون الظروف غيرته

اولا احب اشكرك يا هيما علي الموضوع ده لانه بجد كنا محتاجينه
الواحد دايما محتاج يقول هو حاسس بإيه حتي لو محدش رد عليه المهم هو خرج الكلام اللي كان في نفسه

ثانيا : هندخل في صلب الموضوع
حاجه غريبه اوي حاسه بيها النهارده عايزه اعمل مليون حاجه وفي نفس الوقت عندي كمية كسل مش طبيعية
ههههههههه خلاص نفسي انام من بعد مارجعت من معسكر سوهاج حاسه اني محتاجه اجازه طوييييييييييييييييييييييييييلة في السرير
وفي نفس الوقت انتوا واحشنني جدا والمنتدي كمان مشتقاله اوي وعايزه افضل عليه 24 ساعة
وعايزة اقعد مع اهلي وبالذات بابا وماما واخواتي عشان بقالي شهر ما شوفتهمش
واشوف اصحابي اللي معرفش عنهم حاجه من حوالي شهرين
واروح لقرايبي عشان زعلانين مني ( بيقولوا وحشتهم )
ونفسي اتفرج علي التليفزيون اللي تقريبا ما اعرفش عنه حاجه من بداية الدراسة
وافكلر في شغل الكلية الترم الجاي وخطة النشاط
موال كبيييييييييييييييييييييييييييييييييير مش عارفه ابطل تفكير في كل ده ده غير باقي الحاجات طبعا

ههههههههههههههههههههههههههه سوري اكيد اتخنقتوا بس هعمل ايه ؟؟؟؟؟؟؟؟؟؟؟

انا النهاردة مخنوقه عشان اخويا فرقعنى عشان قاللى انى هاروح معاه معرت الكمبيوتر و بعدين نزل هوة و جوز اختى!!!

بس انا مش سكت و اتفقت مع جارتى نروح السيما بكرة
ههههههههههههههه

تستاهلى منك لله

أنا النهارده مخنوقه اوي يمكن اتصدمت صدمة عمري بحاجات عمري ما كنت اتوقعها واول مره ابكي بالسرعة دي بجد اتظلمت اوي اوي المرة دي


انا خلاص قربت اكره اني بحب الناس وبعامل اصحابي علي انهم انا
محدش بيحب حد ومحدش بيحب الخير لحد
كل ما يبدأ خوفي من الناس يقل تحصل حاجه تاني تزوده

بجد انا زهقت وتعبت

لأ الله يخليكوا بلاش التشاؤم اللي انتوا فيه اتفائلي يا كوين صوابعك مش زي بعضها
انا بقى فرحانه جدا النهارده لان قابلت اعز اصدقائي وكان بقالي كتير ماقابلتهاش

انا انهارده مخنوق وزعلان وفرحان ومتفائل ومتشائم
اولا مخنوق لانى حاسس انى ظالم شخص قرر يربط حياته بيا وانا شكلى كده هظلمه زى ما اتظلمت قبله
وزعلان لانى مش قادر امشى على الريجيم كويس بس الدكتور بتاعى وعدنى انه هيحللى الموضوع ده
وفرحان لانى اخيرا اخدت القرار ودخلت كورس الانكليزى وادعولى ربنا يوفقنى
ومتفائل لانى علاقاتى بالبيت بدات فالتحسن بعد ما يقرب من سنة من الخناق على موضوع الخطوبة
ومتشائم لانى حاسس ان ربنا مش هيكرمنى بسبب الموضوع الاول

ههههههههههههههههههههههههههههههههههههههههههههه جدا

انا حلو انهارده

يارب ديما يا عيييييييييييييد

بالنسبه لاحمد عيد لما كان متشائم عايزة اقوله ان التشائم حرام
وسيب امرك على ربنا وقبل ما تاخد اى قرار صلى استخارة وربنا هايوفقك للخير والصالح لك وكله بقدر ربنا وما علينا غير اننا نقول قدر الله وماشاء فعل ويمكن الخير جى لك

انا مبسوطة اوى عشان بدأت افكر صح بعقلى لانى قبل كدة كنت بحكم قلبى مش عقلى و دة كان غلط!
و اخيرا خدت اول قرار بعقلى الاسبوع دة.