| البنت المصرية | |
|
+5ahmed ahmed eed hemabox fora2welo2a queen of roses 9 مشترك |
كاتب الموضوع | رسالة |
---|
queen of roses مخبر
عدد الرسائل : 1222 العمر : 36 أسرة شبابنا : تاريخ التسجيل : 18/12/2007
| موضوع: البنت المصرية الأحد فبراير 03, 2008 7:50 pm | |
| البنت المصرية لما ترتبط بولد واليكم سيناريو مضمون كله أو معظمه: * لو جه هوة اللى كلمها يبقى مدلوق عليها لو هى اللى كلمته يبقى مغرور وشايف نفسه * لو قالها نعرف بعض شوية يبقى بيتسلى و بيلعب بيها ولو قالها نرتبط يبقى لازم يجيب كل اللى الأهل عايزينه (طبعا مش بقى صعب انما بقى مستحيل) * لو بقى معاها علطول يبقى فاضى وصايع ومش وراه حاجة ولو سابها مرة تروح لوحدها مبقاش مهتم بيها * لو مكلمهاش كل يوم 30 مرة يبقى مش بيحبها ولو كلمها لحد ما يفلس يبقى مش بيفكر صح للمستقبل * لو جبلها هدية فى كل مناسبة يبقى بيضيع فلوسه وكمان ممكن الهدية متعجبهاش لو مجبلهاش ولو فى مرة واحدة يبقى انانى ومش بيفكر فيها * لو حبها وفيها عيوب وحاول يصلحها يبقى بيتحكم فيها لومحاولش يصلحها يبقى مش بيحبها ويطلع عينه وتقوله انة لازم يحبها زى ما هى * لو فيه حاجة مضايقاه وقالها يبقى بيتلكك ولو مقلهاش يبقى قلبه اسود وبيحوش * لو هى بتغير عليه يبقى عشان بتحبه ولوهو بيغير عليها يبقى بيخنوقها لو قالها متكلميش فلان يبقى عايز يقطع علاقتها بكل أصحابها ولو هى قلتلوا متكلمش فلانة يبقى عشان أكيد هوة اللى عينوه زايغة * لو خرجوا مع بعض وقالها تروحى فين يبقى مش عارف يتصرف ولو مسألهاش يبقى عايز يخرج على مزاجه لو حب يخرج مع أصحابة يبقى أنانى ومش بيفكر فيها وهى قاعدة لوحدها لو هى حبت تخرج مع أصحابها يبقى شئ طبيعى عشان همة بنات * لما يطلع عمرو دياب ولا كاظم فى التليفزيون تبقى هتموت عليه وده شئ طبيعى عشان مين اللى ميحبش عمرو؟! ولو هوة بص لأى واحدة فى التليفزيون يبقى عشان رمرام وعينه زايغة * لو حاول يبوسها يبقى سافل وصايع لو ما حاولش يبقى بارد ومعندوش مشاعر لو مسك ايدها يبقى عشان عايز حاجة مش كويسة لو هية اللى مسكتها طبعا عشان بتحبة * لوهية قعدت فترة متكلمهوش يبقى أكيد عشان مش عايزة تعطله ولو هوة مكلمهاش عشان امتحانات ولا حاجة يبقى عشان عايز يطنشها لو سأل عليها كل شوية يبقى ده طبيعى ولو مرة واحدة مسألش يبقى أكيد مبقاش يحبها * لو هوة خارج من علاقة يبقى بتاع بنات ولو هية خارجة من علاقة يبقى أكيد مظلومة وانضحك عليها لو قالها نعرف الناس كلها اننا بنحب بعض يبقى عايز يشردلها ولو قالها نستنى شوية يبقى أكيد ناوى يفلسع * لو مشتغلش يبقى مش بيفكر فى المستقبل ومش عارف يكفى طلباتها هى أو أهلها ولو اشتغل أى حاجة يبقى مش عايز يحافظ على المظهر والبرستيج بتاعها أدام الناس * لو حصله مشكلة واتخنق شوية يبقى كئيب ومقرف ولو هية اللى مخنوقة يبقى أكيد عشان حساسة * لو سقط بسببها يبقى عشان ملوش هدف ولو هية سقطط يبقى عشان بتموت فية وبتفكر فية ليل ونهار * لو كدب عليها يبقى غشاش ومخادع لو هية كدبت علية يبقى عشان مش عايزة تزعله * لو مبقاش 24 ساعة رومانسى يبقى أكيد بيفكر فى حد تانى ولو بقى علطول رومانسى هتقوله استرجل شوية دانا أرجل منك * لو فى مرة جبلها هدية أو خرجها من غير مناسبة يبقى عشان عمل غلطة وعايز يداريها لو هى اللى عملت كدة يبقى عشان الحب * لو حصل خناقة بينهم وخللى حد يحكم يبقى عايز يفضحها ويطلعها غلطانة علطول ولو هى اللى دخلت حد بينهم يبقى طبعا عشان هوة ظالم ولازم حد ينصفها * لو حصل موقف مؤثر وعيط يبقى تافه ومش راجل لو متأثرش بيه يبقى قاسى وقلبه حجر البنت محتاجة الحب والرومانسية والدفء والأمان ...محتاجة لإنسان يحتويها ويفهمها ...بس أكيد دايما كل حاجة بتاخد وقتها مفيش حاجة بتيجى بسرعة غير وبتضيع بسرعة الحب ده زى النبات مش أول ما نزرعه يبقى نقعد مستنين الحصاد...لازم نصبر ونرويه بهدوء ونستنى الزرع لما يبقى ليه جذور تحميه من أى عواصف ممكن تموته ويبقى قوى عشان نعرضه للمشاكل اللى بتحصل...انما محدش عنده صبر الناس كلها عصبية ...كله شايف التانى غلطان ..محدش عايز يعترف بغلطه ...كله بيرمى على كله والحياة كل يوم بتبقى أسوأ.. ومفهوم الحب ضاع بين التفاهة اللى فى الأفلام ..لو كان الممثلين اللى بيعملوا أقوى أفلام رومانسية فى الدنيا بيطبقوا اللى همة بيعملوه فى حياتهم مكنش فيه ممثل طلق ممثلة...انما أعلى وأشهر حالات الطلاق بينهم... المشكلة إن الحب الحقيقى أروع من الى بنشوفه....بس محدش قادر يصبر...وكله بيجرى ورا الوهم فى الأفلام وطبعا النتيجة ان الكل بياخد على قفاه ومشاكل وحوارات مش بتنتهى ....وطبعا أكيد السبب الطرف التانى من قبل ما حتى حد يعرف اية المشكلة!! ياريت نبعد عن دماغنا المفهوم الملوث بتاع حب الأفلام وندور على الحب الحقيقى اللى من غير مشاكل... وعلى فكرة موجود واللى بيوصله مش بيسيبه أبدا وناس كتير مبتتكلمش عنه عشان خايفة الباقى يحسدهم عليه.... والله موجود واللى يفكر شوية هيلاقيه...والحدق يفهم ..... طبعا اللى فوق ده نموذج ممكن يحصل أو لأ بس فى الأغلب بيحصل وده ناتج عن حاجات وقعناها من حسابتنا .....كل واحد يشوف ضاع أد اية منه من وقت بيقرا الكلام اللى أنا كاتباه ده ...ويشوف ضاع أد ايه فى الحوارات دى ....ويشوف باقى أد ايه فى عمره لسة هيضيعة....
عدل سابقا من قبل في الثلاثاء فبراير 05, 2008 2:50 pm عدل 1 مرات | |
|
| |
fora2welo2a مخبر
عدد الرسائل : 1152 العمر : 35 ما هو حزبك الحكومة .المعارضة . المستقلين : المستقلين أسرة شبابنا : تاريخ التسجيل : 14/01/2008
| موضوع: رد: البنت المصرية الأحد فبراير 03, 2008 8:26 pm | |
| موضوع جامد جدا يا كوين بجد معظم الحاجات دى فعلا بيحصل ربنا يهديهم موضوعك جامد | |
|
| |
hemabox الكولونيل
عدد الرسائل : 852 العمر : 37 ما هو حزبك الحكومة .المعارضة . المستقلين : فى ارض الله الواسعه أسرة شبابنا : تاريخ التسجيل : 02/11/2007
| موضوع: رد: البنت المصرية الإثنين فبراير 04, 2008 12:14 am | |
| لا وفى حاجة بجد يا كوين ناقصة عارفة ايه
لو قال لزميلته لا اله الا الله وهو بيكلمها فى التليفون وسمعته يبقى كده مرتبط بزميلته لان ازاى يقولها كده دى المفروض تتقالها هى بس شوفتى العبط | |
|
| |
ahmed eed العصفورة
عدد الرسائل : 1209 العمر : 38 ما هو حزبك الحكومة .المعارضة . المستقلين : رئيس المجلس أسرة شبابنا : تاريخ التسجيل : 26/10/2007
| موضوع: رد: البنت المصرية الثلاثاء فبراير 05, 2008 3:28 am | |
| جميلة يا سمر بس فين الحب؟ البقاء للاقوى او الاصلح المهم على راى فيجو مفيش.........................حب | |
|
| |
ahmed عضو مجلس اللوردات
عدد الرسائل : 809 العمر : 36 أسرة شبابنا : تاريخ التسجيل : 27/01/2008
| موضوع: رد: البنت المصرية الثلاثاء فبراير 05, 2008 3:55 am | |
| اولا ياكوين موضوعك حلو بس طويل اوي اوي انا مقدرتش اكملة | |
|
| |
ahmed عضو مجلس اللوردات
عدد الرسائل : 809 العمر : 36 أسرة شبابنا : تاريخ التسجيل : 27/01/2008
| موضوع: رد: البنت المصرية الثلاثاء فبراير 05, 2008 3:55 am | |
| اية ياخوي هيما الي انت بتقولة دة بلاش فضايح | |
|
| |
queen of roses مخبر
عدد الرسائل : 1222 العمر : 36 أسرة شبابنا : تاريخ التسجيل : 18/12/2007
| موضوع: رد: البنت المصرية الثلاثاء فبراير 05, 2008 1:54 pm | |
| ليه بس الكابه دي يا عيد.............فيه حب ............بس انتوا اللي مش بتصبروا
بتحبوا كل حاجه بسرعه وكمان يا احمد انا هعدل الموضوع عشان تقراه ...انا اسفه انه طويل وكمان يا هيما اللي بيحصل معاك ده سوء تفاهم وقله ثقه منها ناحيتك وده المفروض تغيره انت فيها عشان مش تخنقك بغيرتها وشكها | |
|
| |
Esraa shawki مخبر
عدد الرسائل : 284 العمر : 34 ما هو حزبك الحكومة .المعارضة . المستقلين : المستقلين أسرة شبابنا : تاريخ التسجيل : 16/12/2007
| موضوع: رد: البنت المصرية الثلاثاء فبراير 05, 2008 6:45 pm | |
| الكلام دة صح ميه فى الميه مبقاش حد بيصبر على حد و عايزين يفصلوا الحبيب على مقاسهم مهما كان بيحبهم مادام مش نفذ اللى هوة بيقوله و مش غير من نفسه خلاص و بيتخلوا عن كل حاجة بمنتهى البساطة! مع ان اللى بيحب بيحب حبيبه بعيوبه و مميزاتهو لو فيه عيوب لازم تتغيريبقى يصبر عليه واحدة واحدة مافيش حد بيتغير فجأة...و مش معنى ان الطرف التانى مش قالو غير و غير و غير يبقى ملاك و زى الفل بس يمكن عشان هوة مستنى الوقت المناسب و فى نفس الوقت مش يخسر حبيبه! شكرا جدا يا سمر انتى بجد لمستى الواقع المؤسف اللى موجود.... و اتمنى ان الناس تتحلى بالصبر و التروى و يستحمله شويه اللى بيحبوه لحد مايتغير ... و هيتغير ..... لو كان فعلا بيحب بجد.و الطرف التانى دايما بيتظلم بسبب المواضيع دى. بس اهم حاجة( الصبر) مشكووووووووووورة يا سمسم | |
|
| |
queen of roses مخبر
عدد الرسائل : 1222 العمر : 36 أسرة شبابنا : تاريخ التسجيل : 18/12/2007
| موضوع: رد: البنت المصرية الخميس فبراير 07, 2008 3:38 pm | |
| اكيد يا اسراء
شكرا علي المرور | |
|
| |
ahmed eed العصفورة
عدد الرسائل : 1209 العمر : 38 ما هو حزبك الحكومة .المعارضة . المستقلين : رئيس المجلس أسرة شبابنا : تاريخ التسجيل : 26/10/2007
| موضوع: رد: البنت المصرية الجمعة فبراير 08, 2008 3:20 am | |
| طيب اللهم انى اسالك الصبر | |
|
| |
هبه القطقوطه اخيرا عضو
عدد الرسائل : 73 العمر : 36 أسرة شبابنا : تاريخ التسجيل : 07/02/2008
| موضوع: رد: البنت المصرية الجمعة فبراير 08, 2008 3:26 am | |
| يا جماعه انا معاكم ان ممكن يكون ده بيحصل بس انتو ليه جايين على البنات يعنى هم الولاد مش يغلطو ولا بيتسرعو وعلى بيبقى ليهم تفكير عجيب ولا بيتسلو ولاولاولا.......................الخ لازم نتكلم عن الاتنين | |
|
| |
queen of roses مخبر
عدد الرسائل : 1222 العمر : 36 أسرة شبابنا : تاريخ التسجيل : 18/12/2007
| موضوع: رد: البنت المصرية الجمعة فبراير 08, 2008 3:48 pm | |
| بصي زي ما البنات بتعمل
في شباب بيعمل كده ويمكن اكتر | |
|
| |
hemabox الكولونيل
عدد الرسائل : 852 العمر : 37 ما هو حزبك الحكومة .المعارضة . المستقلين : فى ارض الله الواسعه أسرة شبابنا : تاريخ التسجيل : 02/11/2007
| موضوع: رد: البنت المصرية السبت فبراير 09, 2008 1:56 am | |
| لا تعليييييييييييييييييييييق ممكن ضرب بس | |
|
| |
queen of roses مخبر
عدد الرسائل : 1222 العمر : 36 أسرة شبابنا : تاريخ التسجيل : 18/12/2007
| موضوع: رد: البنت المصرية الجمعة فبراير 15, 2008 3:22 pm | |
| ضرب مين بالظبط ؟؟!!!!!!!!!!!!!
وضح الردود عشان متتفهمش غلط شكرا علي الرد يا بوكس | |
|
| |
hemabox الكولونيل
عدد الرسائل : 852 العمر : 37 ما هو حزبك الحكومة .المعارضة . المستقلين : فى ارض الله الواسعه أسرة شبابنا : تاريخ التسجيل : 02/11/2007
| موضوع: رد: البنت المصرية الجمعة فبراير 15, 2008 3:55 pm | |
| ههههههههههههههههههههههههههههههههههههههههههههه | |
|
| |
ahmed عضو مجلس اللوردات
عدد الرسائل : 809 العمر : 36 أسرة شبابنا : تاريخ التسجيل : 27/01/2008
| موضوع: رد: البنت المصرية الجمعة فبراير 15, 2008 11:07 pm | |
| ياجماعة الموضوع اكبر من قصة والد وبنت وحبهم لبعض والكلام دة الموضوع هوانشاء اسراة فى المستقبل من الولد دة او البنت دى والغلب ان الجيل الحلى كتير منة بيفشل فى كدة لية لانة معندوش اية فكرة عن الموضوع دة وتحمل المسؤليتة يجماعة حد كان بيسمع عن ولاد الشوارع قبل كدة ؟ تعرفو كام عدد حالات الطلاق فى مصر كل يوم ؟ وكام عدد قضايا الخلع في البلد ؟ كل دة سببة اية فهم غير صحيح لطبيعة العلاقة الى بتربط الاسرة ياجماعة الموضوع دة مهم وياريت نكلم فية | |
|
| |
Esraa shawki مخبر
عدد الرسائل : 284 العمر : 34 ما هو حزبك الحكومة .المعارضة . المستقلين : المستقلين أسرة شبابنا : تاريخ التسجيل : 16/12/2007
| موضوع: رد: البنت المصرية السبت فبراير 16, 2008 3:04 am | |
| الله ينور عليك يا أحمد اى واحد و واحدة بيحبوا بعض دلوقتى يعنى و هما لسه فى الكليه مش بيفكروا لبعدين و لا بيبقوا شاييفين بكرة. مع ان المهم هوة بكرة مش دلوقتى لانهم دلوقتى مافيش اى حاجة اصلا مجرد اتنين بيحبوا بعض. لاكن بعد كدة هايبقوا متجوزين و الجواز دة شركة بين اتنين الراجل و الست و كل واحد فيهم بيساهم بنسبه 50% يعنى بالنص. لاكن هما بيقعدوا يتصدروا للهيافات و الحاجات العبيطة و كلمنى كام مرة النهاردة و رنلى بعد ما نام و لا لأ ة رنلى قبل ما يصحى و لا لأ!! و حاجات غريبه و شغل عيال بس طبعا لازم ارجع و اقول ان مش كلهم و انا مش بتكلم عن البنات بس او الولاد بس انا بتكلم عن الاتنين على حد سواء. بس اللى بجد شايفاه ان عنصر المسؤليه مش موجود او موجود بس بنسبه قليله اوى و دة ممكن يكون عشان الشباب و البات بقوا اصلا هايفين و بيطبقوا اللى بيشوفوه فى الافلام (شغل العيال الصغيرة) و ناسيين ان فى مسؤليه و تكوين اسرة بعدين. معلش طولت عليكوا | |
|
| |
فارس الرومانسيه عضو مجلس اللوردات
عدد الرسائل : 168 العمر : 37 ما هو حزبك الحكومة .المعارضة . المستقلين : حكومه ومصريتنا وطنيتنا حماها الله أسرة شبابنا : تاريخ التسجيل : 26/10/2007
| موضوع: رد: البنت المصرية السبت فبراير 16, 2008 10:34 pm | |
| الحب يا شباب موجود والله موجود بس الغبى دايما بيخصر كل شئ كويس في حياته الذكى اللى يحافظ عليه ولو مره واحده في حياته
| |
|
| |
ahmed عضو مجلس اللوردات
عدد الرسائل : 809 العمر : 36 أسرة شبابنا : تاريخ التسجيل : 27/01/2008
| موضوع: رد: البنت المصرية الأحد فبراير 17, 2008 8:17 pm | |
| ياجماعة انا مقلتش ان الحب مش موجود لا هو موجود بس بدرجات يعنى مثلا فى حب بيكون تمهيد للجواز وفي حب تانى تجربة بيجربو يعنى اية حب وشعور وكدة يعنى وفي حب بيكون نتاج صداقة زيادة بس هو مش حب وانواع تانى بس فى حب بس مش كتير | |
|
| |
queen of roses مخبر
عدد الرسائل : 1222 العمر : 36 أسرة شبابنا : تاريخ التسجيل : 18/12/2007
| موضوع: رد: البنت المصرية الجمعة فبراير 22, 2008 3:32 am | |
| الحب ملوش درجات الحب ده شعور واحساس
اما صح واما غلط | |
|
| |
ahmed عضو مجلس اللوردات
عدد الرسائل : 809 العمر : 36 أسرة شبابنا : تاريخ التسجيل : 27/01/2008
| موضوع: رد: البنت المصرية الجمعة فبراير 22, 2008 4:13 am | |
| | |
|
| |
queen of roses مخبر
عدد الرسائل : 1222 العمر : 36 أسرة شبابنا : تاريخ التسجيل : 18/12/2007
| موضوع: رد: البنت المصرية الجمعة فبراير 22, 2008 2:57 pm | |
| | |
|
| |
ahmed عضو مجلس اللوردات
عدد الرسائل : 809 العمر : 36 أسرة شبابنا : تاريخ التسجيل : 27/01/2008
| موضوع: رد: البنت المصرية السبت فبراير 23, 2008 7:31 am | |
| | |
|
| |
queen of roses مخبر
عدد الرسائل : 1222 العمر : 36 أسرة شبابنا : تاريخ التسجيل : 18/12/2007
| موضوع: رد: البنت المصرية الأحد أبريل 27, 2008 6:23 pm | |
| | |
|
| |
elmasry البج بوووووووص
عدد الرسائل : 115 العمر : 37 أسرة شبابنا : تاريخ التسجيل : 12/11/2007
| موضوع: رد: البنت المصرية الثلاثاء مايو 06, 2008 12:30 pm | |
| | |
|
| |
queen of roses مخبر
عدد الرسائل : 1222 العمر : 36 أسرة شبابنا : تاريخ التسجيل : 18/12/2007
| موضوع: رد: البنت المصرية الجمعة مايو 23, 2008 4:19 pm | |
| منور يا مصري
شكرا على الرود يا شباب | |
|
| |
| البنت المصرية | |
|