نصائح هامه لفتره الخطوبه....للفتيات فقط ....سامعني....للبنات

عزيزتى..


لو ربنا فك عقدتك.......... واتخطبتي
فإليك نصائحي حتى تأخذى بخطيبك من مركب الخطوبة - إللي محدش عارف هاترسى على إيه - إلى مثوااااه الأخير فى قفص الزوجية السعيد
أجمل ما في الخطوبة العزومات الرومانسية.. على أحلى محلات أكل ف البلد.. واللي عمرك مانتي شايفاها بعد الجواز

المهم نصائحي لك عند أي عزومة مع ختيبك........................ قلنا رقَّه .................

1- الأول لازم تعرفي إن الشوكة والسكينة بيتمسكوا من إيديهم من الطرف يعني مش م الوسط ولا م البوز زي الخنجر ولا من فوق طبعًااا
2- العيش ....... أوعي تفضحينا وتقطعيه بسنانك.. ولا الرغيف نصين بأيدك وكل نص لقمة وتحشري.. أوعي........ العيش بيتقطع بالسكينة ف الطبق.... وبعدين تاخدي لقمة.. لقمة.. بالعافية.. قال يعني نفسك مسدودة.. اضغطي على أعصابك جدااا وبعدين لما تروَّحي.. إبقي حِفي زي مانتِ عايزه....
3- الشوووربة.......أبوس كعب رجلك......بند الشوربة ده مهم جدًاااا.. الشوربة تتشرب من غير صوت خالص.. ومن غير ماتقعدي تنفخي فيها.. زي القهوجي اللي بينفخ ف الحجر للزبون.. وطبعًاااااا عايزاكى تنسى تمامًا.. السلطانية اللي بتقيميها على بقك ف البيت.. وتدلدقي على روحك.. بالمعلقه وبدون صوت.. سخنة ولعة برضه بدون صوت.. وتسيبي تلت الطبق ع الأقل.. مش تميليه.. عشان تلهطيها لآخر نقطة.....
4- الرز ........طبعا بيتاكل بالشوكة.. أوعي إيدك تتمد ع المعلقة.. وتغرفي من طبق الرز وتعبي..... إوعي.. الرز بالشوكة.. وكأنك بتبوسيه مش بتاكليه.....
5- المكرونة الاسباجتي..... برضه بالشوكة.... تتلف على طرف الشوكة.. لحد ما تخلص وبعدين تحطيها ف بؤك من سكات.. مش تشفطي المكرونة عود عود.....
6- السمك..... مشكلة.. شوفي.. بتفصلي اللحم عن الشوك.. إزاي..؟؟!! -هقولك - تقطعي اللحم من النص.. بالطول وبعدين تفردي اللحم ع الجانبين ولما تخلصي ناحية.. متقلبيش السمكة.. بلاش فلح.. شيلي السلسلة بالشوكة والسكينة وحطيها ف جنب الطبق وكملي أكل النص التاني.. وبدل الفيلم الهندي ده.. نصيحة.. ماتكليش السمك خالص.. قولي مابحبش السمك وخلصي نفسك.......
7- الجمبري........ - ده إذا كنتي عارفاه -...... أول ماطبق الجمبري ينزل.. بصيله بقرف واحتقار شديدين.. آل يعني زهقانة من كتر أكل الجمبري الجامبو ف بيت ببااااا.. وأتنهدي جامد وقولي.... برضه..؟؟؟ وتروحي قاطعة راس الجمبريياية.. بالشوكة.. أنا ف عرضك إنسي المصمصة دلوقت......
8- البطاطس.......... سواء مسلوقة أو محمرة.. أوعي تهرسيها وتدبيها ع الرز وتدي ...لا..لآ...لآ...بالشوكة حتة حتة وإنت زي ما تكوني هاتعيطي من كتر ما البطاطس صعبانة عليكي......
9- الفاكهة......... لو الفاكهة فيها بذر.. طلعيه من بؤك بالراحة وحطيه ف إيدك وهي مقفولة.. وبعدين ف طفاية السجاير اللي ع الترابيزه..... أوعي ياحبيبتي من نظام التفتفة للبذر.. إنسي....
10- ولما تخلصي أكل تحطي إيدك على بطنك..... - اللي عصافيرها بتصوصو من العينات اللي كلتيها -..... وتقولي له مش ممكن.. أنا عمري ما اتفجعت كدة...أنا أودامي أسبوع...هابطل أكل فيه..... وبعدين تمسكي الفوطة اللي دايمًا موجودة ع التربيزة من غير لازمة.. وتبوسيها.... آل يعني بتمسحي بؤك.... وبعدين تستأذني منه لدخول التوليت لإصلاح ماكياجك...... وتخشي التواليت وتطلعي من شنطة إيديك..... لفة الفول والطعمية اللي جايباها معاكي......


وبالهنا والشفااااااااااااا

الموضوع ده مهم بس للبنات فقط الى طبقه تتعامل على اساس
هذا الجانب من الحياه

ما احنا ممكن نعلمهم احسن (أ- ب- ج) إتيكيت ونخلص بدل الرغى ده كله

موضوع لزيز بس اعتقد ان معظم البنات بتتصرف كده مفيش حد بيمصمص ولا الحجات دى وفعلا المفروض اللى كده يتعلم اصول الاتيكيت احسن والافضل متكلش معاه قبل الجواز ولما يخرجو تقولو انها مش جعانه وتطلب عصير بس هو فعلا مضحك جدا

الموضوع حلو اوووووووووى
وعلى فكرة المفروض البنت تتعامل بالاتكيت
فى اى مكان
وبكده مش هتخدع حد............

الموضوع جامد جدا
هههههههههههههههههه
وانا مع راى كوين التانى اللى هو بتاع النصيحه
ولازم متخبيش حاجه عنه ولا هو حتى يخبى اى حاجه عنها
وسواء البنت او الولد لازم يتعلموا اصول الاتيكيت عشان الفضايح
ههههههههههههه

رد على النصيحه
انا معاكى جدا ومقلتش تخدعه انا قلت انو ممكن انا كلامى كان بدل متخنق نفسها لحد متتعلم الاتيكيت بدل متفضح نفسها وقولت فى الاول انو لازم تتعلم وانا عن نفسى مش بحب اخدع حد مهما كان حتى لو مجرد زمايل لانه مبدا مرفوض مع الناس كلها

والله يا احمد لو ما بتعرفش تعمل اكل

قدامك حل من اربعه:
الاول:
انك تصبر لحد ما هي تتعلم من الست الوالده ( ايه المشكله مدام بتحبها استحمل.. او خدها علي عيبها وخبط معاها لحد ما تتعلم الطبخ ..اه يا عيني هتكون عديت علي المستشفي كام مره...بس دي حبيبه هاارتك ولازم تستحمل)
التاني:
انك تتعلم الطبيخ وتطبخ انت ( هتقوللي كرامتي .. انا الراجل .. دلوقتي يا بابا في مساواه)
التالته :
انك تفك الكيس وتجيب طباخ ( خليك راجل مودرن ... مبتعرفش تطبخ.... ولو مت قدامها كده مش هتعرف تدخلها الطبخ..............هاااااااااااااااات طباخ)
الرابعة:
خليك في بيتكوا احسن ( مش لازم تتجوز ..... هو اللي اتجوزوا قبلك عملوا ايه......

لحد دلوقتي بياكل من ايد الحاجه ..... ربنا يخليها)

هههههههههههههههههه

هههههههههههههههههههههه
حلوه يا كوين
بجد جامده