عايزه تعرفي عريسك مناسب ولا لأ؟؟؟؟؟؟؟؟؟؟

اعرفي عريسك بدري بدري من طريقة اكله

1- إذا كان عادي يعني لا بياكل بسرعة ولا ببطء ولا دايمًا شبعان ولا
مفجوع على طول..

يبقى شخص معتدل في عواطفه
وقراراته ويبقى ده آخر
الرجال المحترمين..
كلبشي.. واستعجلي الزفاف والحياة هتبقى بمبي

2- إذا كان بيحب الأكل زي عينيه.. وأول ما يدخل من الباب وقبل ما
يقول لك ازيك يقول لك ريحة التقلية تجنن ياروحي إنتوا عاملين ملوخية
على أرانب؟؟.. أموت أنا.. ويقعد ياكل ويحشر لحد ما يغمى عليه..

يبقى إنسان طفس.. وهوائي..
وطايش.. وأوعي تتجوزيه أحسن ياكلك وانتي نايمة....؟؟

3- أما إذا كان مش مهتم بالمرة.. لايقولك ده حلو ولا ده عادم ولا
مالح ولا مستوي ولا لسه ني ولا بيعلق أي تعليق.. وعمره مايقولك جعان
أو شبعان

يبقى إنسان مالوش لزمه.. وزي قلته.. وأنصحك بدل ما تتجوزيه إتبنيه..
وهاتعيشي إنتي الراجل والست ف وقت واحد واعملي حسابك هاتركبي وتدلدلي
رجلييكي.

4- أما إذا كان بياكل زى مايكون حد بيجري ورااااه وساعة الأكل
بيجيله حالة صرع معوي.. ويقوم من ع الأكل قبل أي حد تاني.

يبقى متسرع.. ومتهور في اتخاذ قراراته وممكن بعد الجواااز يكتشف إنك
لستى ملهمته..ولستى فتاة أحلامه ولستىِ حلمه.. ويروح مطلقك بالتلاتة..
إخلعي إنتي بدري أحسن لكرامتك.

5- أما إذا كان بياكل على مهله.. ويمزمز.. ف كل صنف لوحده.. ويسأل
عن كل صنف إيه مقاديره ومعمول إزاااي ويقعد يستطعم ف الأكل من العصر
للمغرب .

حاسبي منه يا اختي ده النوع اللي له مخ.. وبيوزن الأمور بطريقه تفقع
المرارة.. ولو في يوم طلبتي منه يقولك كلمة حلوة هايقولك مش عامل
حسابي ويقعد يفكر 3 سنين وبعدين يقول لك بحبك ويقعد يشوف وقعها عليكي
إيه؟؟
نظااااام شلل رعاش

بدري.... بدري....

إخلعي يا أمي...

6- أما إذا كان بيقعد يقطع ف الأكل زي مايكون ف خناقة ويخبط ف الطبق
من الغل.. ويقطع حتة اللحمة زي ما يكون بيدبحها.. ويتفتف.. ويتكلم..
طول ماهو بياكل لما يغرق وشك أكل..

ده شخص عصبي جدًاااا.. ومع أول خناقة هايروح مناولك بالكرسي ف راسك أو
بالسكينة ف عينك يعمل لك عاهة مستديمة وبعدين.. يهدى.. ويقول لك:
'سوووري يا روحي هي جت فيكي.. ماعاليش'

''ماعاليش برَّه يا حبيبي وخد الباب ف أيدك''

7- أما إذا كان دايمًا قرفاااان دايمًا مش عاجبه العجب ولا الصيام ف
رجب.. يع..

الملوخية تقيلة.. ياي.. السمنة كتيرة على وش الشوربة.. ياساتر.. دا
محشي ولا صوابع
مووووز.. أووووف.. الرز محصويل.. يامَّه المكرونة
معجنة..

إذا كان كده توكلي على الله وهاتي أحمى ساطووووور عندك وأنا أعرف لك
واحد محامي هايطلعك منها زي الشعرة م العجيييين

والأحسن من ده كله.....

مالها القعدة ف بيت أبووووووووكي؟؟
((=

والله ياختى انا شايفة كده يعنى هناخد ايه منهم

بيت الاب اكرملنا
موضوعك جميل اوي يا كوين

ههههههههههه

شكرا علي المداخله يا هيما

منوره بردودك يا ايه

اه عندك حق بيت بابا احلى وعلى رأى المثل من خرج من داره اتقل مقداره

ااااااااااااه هو انتوا هتتفقوا علي انه بيت بابا احلي

انا معاكوا قلبا وقالبا
بس كده حال الشباب هيقف Laughing

على العموم لما تستخدمى الساطور انا بعرفك بنفسى ويلا خلينا نشتغل بقى
ههههههههههههههههههههههههههه
نايس توبك سمر

شكرا علي العرض يا عيد
بس ما اظنش هنحتاجه

هنصوم نصوم و..............ولا ايه؟

طب انا اللى هاعزمه و لا هوة ؟
و بعدين اقوله استنى ناكل الاول و بعدين افكر و ارد عليك!!!!!!!!!!! Basketball

هههههههههههه

كل ده كويس جداااااااااااااااااااااااااااااااااااااا
بس كان عندى سؤال هو ده برنامج لكى يا سيدتى

هتكلى مع مين يا اسراء
ههههههههههههههه

لا لك يا سيدى
عشان كل واحد يراجع نفسه قبل غلطة الجواز

لا لك يا سيدى
عشان كل واحد يراجع نفسه قبل غلطة الجواز

اهاااااااااااااااااااااااااا

عشان التوريطه ياعيد
اصل معظم الرجاله بيحبوا الاكل
واحنا مش كل شوية بقي في المطبخ عشان نملا معده سيادته

هاكل مع حبيبى يا فاكس !!!!
.............اكيد lol!

هههههههههه

رد منطقي

هههههههههههه
اكيد Laughing

ههههههههههههههههههههههههههههه
ممكن موضوع عن البنت المنسبة لوسمحتو ؟

ان شاء الله نعمللك موضوع

انت تؤمر يا احمد

شكرا ياكوين واحنا مستنين

مفيش حاجة ممكن تعرفى بيها الراجل غير طريقة الاكل دة كلام بردةوبعدين ممكن انك تكونى مبتعرفيش تطبخى اصلا وفى الحالة دى هيقرف من الاكل وسورى يعنى ومنك انت كمان فى الحالة دى يبقى نوعة اية

والله يا مصري معنديش رد

لاني بعرف اطبخ يعني مش هيقرف من الاكل ولا مني
غير كده متنساش المثل اللي بيقول
"اقرب طريق لقلب الراجل معدته "
والمثل ده بالذات ينطبق علي الراجل الشرقي