ازاى تعكنن على مراتك؟؟؟

الصبح وانت رايح على شغلك وهى نايمة تعمد اسقاط اى شئ او اخبط الباب
بصوت عالى علشان تصحيها هى كمان 00 اشمعنا انت ؟ ولو حاولت ترجع تنام
تانى قول لها مادام صحيتى حضري الفطار بقى


اصحى يوم الجمعة بهمة ونشاط
وجهز الافطار لزوجتك بس متنساش انك تستخدم15 طبق واكبر كمية من
الملاعق والشوك و 5 حلل من اللى عندكم فى المطبخ و عشر كوبيات لاعداد
طبق بيض وسندوتش جبنة طبعا يراعى ترك اثار سمنة على الارض مع ترك
التلاجة مفتوحة وقشرالبيض فى الحوض

فى عيد ميلادها زين لها تورتة عيد
ميلادها بخمسين شمعة ولو سألتك لية خمسين رغم ان عندها15سنة بس ؟
اتحجج بضعف الاضاءة فى البيت وانت بتبص على النجفة اللى عندكم اللى
فيها 30لمبة مع ابتسامة صفراء خفيفة

لو عملت ريجيم اجرى على السوبر
ماركت ومحلات الحلويات واملى التلاجة شكولاتة وحلويات وجاتوهات يرعى
التجول وانت مستمتع بأكل الجاتوة امامها

متنساش رأيك فى طبيخها لو
عاملة لحمة قول لها حلو اوووى الفراخ دى ولو طبخه بامية 00 جميلة اوى
الملوخية دى حاطة عليها اية يا حبيبتى ؟؟ ولو عملة كيكة قالها انا بحب
اشرب شاى مع البسكويت الحلو دة

لو طلبت منك تنشر الهدوم قولها حاضر مع
ابتسامة حانية وبعد ما تخلص نشر الهدوم ادخل عليها وقولها انا نازل
اجيب الهدوم اللى وقعت منى فى الشارع ولو سألتك هو اية اللى وقع ؟
اذكر لها كل هدومها اللى كانت مغسولة مع فردة شراب من بتوعك علشان
متبقاش مقصودة منك

لو الزوجة قررت مسح الارضيات فى البيت حاول انك تروح
وتيجى على المناطق المبلولة متحجج بأنك محتاج تتصل ضرورى بواحد صحبك
ومرة عطشان ومرة تانية بتجيب الجرنال ومفيش مانع انك تقول انك حاسس ان
التليفون هيرن كمان شوية لو كانت مشغولة فى نظافة البيت او مع الاولاد
وطلبت منك تغسل كوبتين الشاى بتوع الصبح الموجودين فى الحوض ارجعلها
كمان دقيقة من دخولك المطبخ وانت ماسك كوباية من الاتنين وهى مكسورة
واسألها فى براءة ارمى دى فين ؟؟ وانت قاعد تتفرج على التلفزيون وهى
طالع عينها فى تنظيف البيت وبعد ما تخلص معلش ممكن كوبية مية علشان
ضهرى بيوجعنى
مع الاعتذار للزوجات

طبعا احنا جايين نهدى النفوس أكيد انتم فاهمين

ربنا يوعدك يا فاكس بواحده ملهاش اي حاجه في اي حاجه

ويبقي ليها في حاجه واحده بس












انها تخنقك

شدييييييييييده يا احمد

thnx ya a7md

الله



يكرمك
رفعت رسنا يا بنى
نايس توبيك وجامدة موت يا فاكس
ايه يا احمد انت قلبت ولا ايه؟

ظلم.................!!!!!!!!!!!!!!!!!!!!!!!!!
مش عارف
اقولك مش هرد
ربنا عالمفترى
ههههههههههههههههههههههه

ياريت نعمل مواضيع جد شويه اكتر عشان الدنيا مش كلها هزار و ضحك و بس فى حاجات اهم بكتير من دة.

الله يخليكى يا قمر انت

يا سمر مش قولتي انك هتعملي حزب المراه فين ده
هههههههههههههههههههههههههه
حلوه بجد يا فاكس

معلش هية دية المواضيع الى احنا بنتكلم فيها على الاقل مش بقول كلام ومش بنفذة وبقول كلام عكس ما انا بعملة واشكر كل الناس الى ساهمت فى الموضوع

هتعمله فى بير السلم
هههههههههههههههههههههه

مش عارفه ليه يافاكس حاسه ان نصيبك هيقع فى واحده هى اللى تنزل تشتغل وانت اللى تقعد فى البيت

هفرح فيك ساعتها:d

شوفتوا اخرة الجواز تتعلموا ازاى تعكننوا على بعض بعدين يا فاكس انت عاوز واحد يعكنن على واحدة دة واحدة منهم كفيلة تعكنن ع الرجالة كلهم وربنا يستر احسن حاجة الواحد يبعد عن الشر ويغنيلة هههههههههههههههههه