ايهما تفضل قلمك ام لسانك؟؟

موضوع يحتاج صراحه

هل يشعر البعض منكم أنه يكتب أفضل مما يتكلم

أو أن مواجهته للمواقف أو للناس تجعله أكثر قدرة على التعبير ؟

أو لربما أنت تجيد الإثنين معاً

هناك الكثيرون ممن يجيدون التعبير عن أنفسهم في الرسائل مثلاً...

ولا يجيدون ذلك عند مواجهة ما عليهم مواجهته

وفي عالم النت فهناك الكثيرون أيضا يجيدون الكلام بالكيبورد بينما هم أنفسهم يعرفون

أنهم لا يستطيعون ذلك بنفس الجودة في مواجهة الواقعي ؟

ربما يسمّي البعض ذلك نقصا في الشخصية...أو تناقضاً فيها...

ولكن شخصياً اعتقد أنه أمر طبيعي الى حد معين...

فنحن بالكتابة نستطيع التحكم في أنفسنا وانفعالاتنا بصورة أفضل

ونحن بالكتابة ليس هناك من يرانا...أو يراقبنا

وربما هذا ما يجعلنا نفرغ ما بداخلنا أو نواجه مواقفنا بشكل مختلف

ويبقـى السـؤال الأهــّـم
أيهمـــــا تفضـــل.... قلمك أم لســـانك ؟

بصراحة قلمى مثل لسانى ولاكن فى النهاية افضل قلمى

انا قلت وبقول وهضل اقول اني بحب كلام اللسان مش الورق لان اللي بيكتب حاجه ومش بيعرف يقولها بيبقي شخصيه ضعيفه مش بتعرف تعبر عن نفسها.

فيجو

ذو خبره في هذا الموضوع

لا مش بتبقى شخصيتها ضعيفه
لكن بيبقوا بيعرفوا يعبروا عن كل اللى جواهم فى الكتابه
بيكتبوا من غير رقيب عليهم ولا حتى حد يبقولهم لا ولا متقولش كدة
بيلاقوا حياتهم فى الكتابه
لان فيه ناس مش بتجيد فن الاستماع ومش بيخلصوا فى انهم يسمعوا كويس وممكن يطلعوا اسرار بره
لكن الورقه والقلم عمرهم ما بيخونوا حد ولا بيطلعوا سر حد بره
وفى حاجه هما بيعرفوا يعبروا عن نفسهم فى الكتابه لانهم بيكتبوا كل اللى جواهم
وعلى فكره انا احده منهم من اللى بيعبروا عن نفسهم بالكتابه

مش معاكي برده انا ضد الكتابه وعدم الكلام ده غلط ربنا كرمنا بنعمه اللسان ليه نلغيه

انا مع فيجو لاني رغايه جدا
و في نفس الوقت باقول
ان في حاجات ما ينفعش تتقال فالانسان بيعبر بيها في الكتابه

جربها مره فى حياتك سرك لما يكون معاك احسن ما يكون مع غيرك
وكمان تفضفض مع نفسك احسن ما تفضفض لغيرك
لان غيرك ممكن ميكونش عاوز يسمعك ليه تتقل عليه
وشكرا لردوكم

انا شايف ان الكتابة والكلام كل حاجة منهم بنستخدمها فى وقت معين سرى لازم يبقى فى الورق اهم من اى حاجة فى الدنيا وبعد كدة يتقطع الورق مش مهم اما اى حاجة تانية مفيش اى مشاكل ان الواحد يقولها بلسانة

القلم شىء قوى جدا فى التعبير لكن مين عارف ان الشخص اللى انت بتكت ليه دا مش هيجيلو ملل من القراءة علشان كدا انا لما دخلت المنتدى كنت بكتب اى رأى بتهريج علشان كل المنتديات مفيش حد بيقرأ الاراء اللى مكتوبة

اما اللسان فهو اسهل لغه للتعبير عن الذى تريده بسهولة و يعطيك فرصة لتغير كلامك اذا رأيت ان الذى امامك تغيرت ملامحة الى ملامح لا تريدها او لا تقصدها بكلامك

القلم لا يتراجع لذلك الذى يكتب يجب ان يكون واثق مما يكتب

انا افضل قلمى

سلملى على قلمك اللى عمرنا ما شفناه يا عيد
ههههههههههههههههههههههههههههههههه

Sleep

سلملى على قلمك اللى عمرنا ما شفناه يا عيد

ههههههههههههههههههههههههههههههههه

Sleep

على فكرة اا مع فراق قى ان القلم احسن وضد كل الاخوة اللى قالو اللسان
لان اللسان غلاط
وفى مثل بيقول لسانك حصانك ان صنتة صانك

افضل قلمي لانة يعبر عن ما بداخلي من مشاعر واحاسيس
لا يقدر ان يعبر عنها لساني

نايس توبيك يا فراق

بس احب اقلك انى اتعودت اتكلم
وفى نفس الوقت مش بتكلم مع اى حد
بتكلم مع اقرب صديقه ليا
مع والدتى
بحس انى بتكلم مع نفسي
وهى اتعودت علي كده
ولما بتلاقينى غلطانه بتصلحلى غلطى
او تنبهنى ليه وتخلينى اصلحه
وعلي فكره بتكلم معاها فى كل حاجه حتى اموري الخاصه واسرارى ومشاعرى
عمري ما احتجت للكتابه
يمكن بدأت احتاجها لما بعدت عنها بسبب سفرى
بس بعدت عن الكتابه تانى لما لقيت اصدقاء مخلصين جدا

لما نتكلم اللي بيسمعنا يعتبر مرايه ليا هيظهرى اخطائى انما الورقه صماء بتسمع وتسكت

يمكن انا متعودتش احكى لاى حد حاجه
حتى اقرب اصحابى مش بحكلها كل حاجه
اتعودت اكتب واحكى لنفسى والى حد ما بحاول احل مشاكلى لنفسى
اقل حاجه الورقه بتعملها مبطلعش اسرارك بره الا لو انتى اللى عاوزه تعرفى حاجه لحد ومش قادره على الكلام
والطبع بيغلب التطبع
حاولت كتيير اتكلم مع ناس كانوا قريبين منى
بس مقدرتش اكمل او اتكلم اصلا
وشكرا لردودكم ومروركم الجميل

عايزه اقولك يا نانسي
اني زي كل اللي قالوا قلمي و برضه لساني
انا زي ايه في وقت ما نقدرش نتكلم فنكتب
ملحوظه:
نانسي على فكره انتي بقيتي رغايه جدا و الحمد لله العقده اتفكت بس مش اووي يعني

قلمى لسانى

لخصت فخلصت
ايه رايكم

ههههههههههههههههه
ملحوظه لذيذه يا رنا
وميرسى لتلخيصك يا هيما
بس مش كل اللى يكتبه قلمك يقوله لسانك

انا افضل قلمى ومع فراق فى رايها
مفيش حد دلوقتى بيسمع حد كويس او يحسسه انه جمبه الا قليل جدا
ومش كله بيلاقى الشخصيه دى فطول ماهى مش موجودة يبقى القلم موجود
ونايس توبيك يانانسى

» ايهما اصعب على قلبك؟؟
» ايهما اشد خطرا الوحدة ام الفارغ ؟؟؟